家

人總有覺得累的時候吧。工作煩得太累，生活過得太累，做人做得太累。

最怕有一天，回到家看著看著，突然就覺得陌生，都不像是自己的家。

幸好我還有個舒適安樂的家可回，摸摸八仔妹釘，過自己清靜平淡的日子。

職場無奇不有 – 新一代

又有些人奉行「你幫我係應份，我幫你就笨」的精神，只會搵你幫手，但你開到口都唔會幫番你手。總之就剩係睇住自己嗰瓣，自己d嘢係嘢，人地d嘢就唔係嘢。

問都唔問你得唔得閒就編d non-office-hour duty俾你，直接email話enlist your help順手cc埋俾你阿頭，就當你應承咗。但到臨開波你問佢單嘢究竟點搞，佢自己原來都未諗掂。Coordinate成個office送禮俾人，居然話 用包過poster/foam board拆爛咗的蠟紙包，仲要放響信房等人地自己過嚟囉，送禮噃，俾d誠意好掛，你估人地真係好恨收你份禮咩。每年咁多project有嘢送出去，咪又 係同事coordinate好一次過送，今次公司附近的禮同事都自己by hand送咗過去啦，剩番的都跟唔掂送唔掂，就真係幫唔到囉。

又有練精學懶的夠膽死帶個guest去marked seat，帶到最後一行都未到（都有起碼十幾廿行位的），就指個guest自己去第一行個位，見都未見到個位呀，唔怪得個guest忟啦，好心行多幾步都 唔怕死啦。預咗夜晚要幫手做event，話唔舒服上晝請假，到下晝都唔見人，唔追到都唔話返唔到，但唔舒服又可以不停講五分鐘話自己點唔舒服，之後仲補咗 個大半頁的email幾大段字話自己作感冒，而作感冒係最易傳染俾人嘅，所以唔返工，請注意，係作感冒！隔一日，又居然夠膽重施故技，打電話返公司話唔舒 服上晝請病假，下晝又係無聲無息唔見人噃。會唔會揚咗d呢？唔通以為返咗工唔夠一個禮拜，就其他同事唔為意佢無出現？

進步？退步？

過了幾天家中不能上網的日子，就多了讀書的時間。單是一天假期，讀完一本消閒中文書，連難啃的The Six Wives of Henry VIII，幾天下來，都能讀到百多頁了。

回不到過去倒是真的。科技發達，生活更方便，但一旦習慣了按幾個掣便代替一大串工序，漸漸生疏遺忘，人反而就退步了。又比如從前沒有八達通和那麼流行信用 咭，用錢都會較有預算規劃。從前很少人有手提電話，只有用固網電話聯絡，約會都更守約準時，現在臨到約定時間一通電話就說要遲到或不到，人自我中心的以為 把自己的行程編排得密不透風剛剛好，反正能聯絡上就夠交帶，卻忘了同時也浪費了別人的時間。但都回不去了。

職場無奇不有 – 自戀食物狂

話說有個男人，自己座位保持非常整齊乾淨，但專響其他同事的座位食嘢，仲要食完的垃圾，特登掉入同事位內垃圾桶旁邊的廢紙回收桶。又一次，食餅食到電腦部 同事放在枱面的notebook computer（好彩係合埋的）上面滿佈餅碎。另一次，在reception area食餅跌咗落地氈，同事叫佢執番，佢唔執不特止，專登一腳踩碎仲要捽多幾腳。

某年中秋，有盒月餅送咗嚟office，大家熱熱鬧鬧的分著吃。第二日，有同事去影印時，發覺影印機內有一個壓扁了的月餅，月餅盒內有一個壓扁了的月餅， 微波爐內有月餅，partition頂也有月餅。誰是真兇到今日仍然是個謎，但對食物變態又睇唔過眼大家熱鬧開心的人，似乎就只有那一個……

同枱飲茶，佢又會懶乾淨搞出一大堆用過的紙巾，而且攞定一對公筷自用，又會點多d點心拎走做下午茶。夾錢時一定唔肯爽爽快快俾錢，要你追完又追，但自己出 咗的士錢就會即刻計好數send email俾同事追收。每日一到臨收工時間，都會聽見一陣乞嚏聲，因為某人在狂噴香水，行過都攻鼻，走廊尾噴但走廊頭都聞到。而在大雨天，還會見到名牌皮 鞋放上枱的奇景，因為某人說要吹乾。

職場無奇不有 - 神奇的team

話說有條神奇的team。你搵佢幫手俾晒詳情deadline，佢會好爽快咁一口應承。到問佢進度，先知佢原來未開始做。又過咗一陣，終於到 deadline，交到貨喎。但過後會俾張單你，原來叫出面公司做，但又從來無提過叫你預budget噃，然後俾咗張單你就當無事發生過，等你自己諗掂條 數點出。

又當如果搵出面人做，又要經佢地睇住噃。如果係佢地自己搵的friend底公司，就錫住話唔可以改咁多次，要改都要自己砌好先好叫人跟住改。但如果係你搵 的公司，就要人地一朝早改好嘢，但專係六、七點人地臨收工（或唔俾人收工）先feedback，日日如是，仲要兩個design同時改完又改又改，到差唔 多confirm（出到r、s、t稿…）先肯揀定一個（行內通常係先出兩個design，揀定一個就用嚟繼續改到合心水為止）。

又明知老闆未confirm到字，死都唔肯用dummy字做住layout先，到你俾咗字佢，佢出嚟個稿居然係用你之前俾佢嘅dummy字噃，搞到本身唔 咁趕都變到趕，血都嘔埋。叫人地做又係，通常financial printer都係每個section用dummy字做對版 layout先，到confirm字同相先叫typeset倒落去再逐頁執，又係死都唔confirm layout，要人地做足咁多版先肯睇，結果人地多好多工夫之餘，時間又拖耐咗。俾錢都唔係大晒架，唔係自己friend底都唔駛咁對人掛。